Please read the detailed instructions below. ከስር የተቀመጠውን እያንዳንዱን መረጃ በጥንቃቄ ያንብቡ።

ግልጽ የጨረታ ማስታወቂያ

የአራዳ ክ/ከተማ ወረዳ 05 አስተዳደር ፋይናንስ ጽ/ቤት በ2018 ዓ.ም በጀት አመት የአንደኛ (1ኛ) ዙር ጨረታ፡– በሎት1፡– የጽዳት ዕቃዎች ግዥ በሎት2፡– የደንብ ልብስ ግዥ በሎት 1፡– አላቂ የቢሮ ዕቃዎች ግዥ በሎት4፡– የደንብ ልብስ ግዥ በሎት5፡– የመኪና ዕቃዎች ግዥ በጨረታ አውዳድሮ ለመግዛት ይፈልጋል ፡፡ በተጨማሪም በአገልግሎት ስራዎች ፡– በሎት 1፡– የመስተንግዶ ስራዎች በሎት 2፡– የህትመት ስራዎች በሎት 3፡– የኤሌክትሮኒክስ (የአይቲ) እቃዎች ጥገና ስራዎች በሎት4፡– የኤሌክትሮኒክስ (የአይቲ) እቃዎች መለዋወጫ አቅርቦት በሎት 5፡– የልብስ ስፌት ስራዎች በሎት 6፡– የቢሮ ቋሚ ዕቃዎች ጥገና ስራዎች በሎት 7፡– የዲኮር ስራዎችን በሎት 8፡ የትራንስፖርት አገልግሎት ስራዎች አወዳድሮ ማሰራት ይፈልጋል

ስለሆነም ከዚህ በታች በተዘረዘሩት ሎቶች መስፈርቱን የምታሟሉ ተወዳዳሪዎች መጫረት የምትችሉ መሆኑን እናሳውቃለን፡፡

1. ተጫራቾች በአቅራቢ ዝርዝር የተመዘገቡ መሆኑን እና የዘመኑን ግብር የከፈሉ መሆናቸውን የሚገልጽ ማስረጃ ማቅረብ ይጠበቅባቸዋል፡፡

2. የታደሰ የንግድ ፈቃድና የምዝገባ የምስክር ወረቀት ማቅረብ ይኖርባቸዋል፡፡

3. የተጨማሪ እሴት ታክስ ከፋይ መሆናቸውን የሚያረጋግጥ ማስረጃ ማቅረብ ይጠበቅባቸዋል፡

4. ተጫራቾች የሚያስገቡት ዋጋ ቫትን ያካተተ መሆን አለበት ፡፡

5. የጨረታ ሰነዱ የመወዳደሪያ ዋጋ በሙሉ ታሽጎ ለጨረታ በተዘጋጀው የጨረታ ሳጥን ውስጥ ማስገባት ይኖርባቸዋል፡፡

6. ተጫራቾች ለሚወዳደሩበት ሎት ሁሉ ናሙና ማቅርብ አለባቸው ::

7. ተጫራቾች በአንድ እቃ አይነት ሁለት ናሙና ማቅረብ የለባቸውም::

8. ተጫራቾች ለሚወዳደሩበት ሎት ሁሉ ናሙና ላይ ድርጅታቸውን የሚገልፅ ማንኛውንም ምልክት (ማህተም) ማስቀመጥ የለባቸውም::

9.ተጫራቾች የጨረታው ማስታውቂያ ከወጣበት ቀን ጀምሮ ባሉት 10 ተከታታይ የስራ ቀናት ውስጥ የማይመለስ ብር በየሎቱ 200 /ሁለት መቶ ብር/ ብቻ በመክፈል ከወረዳ 5 ፋይናንስ ጽ/ቤት የጨረታ ሰነዱን መግዛት የሚችሉ መሆኑን እንገልፃለን፡፡

10. ጨረታው ከወጣበት ቀን አንስቶ በ11ኛው ቀን 4፡00 ሰዓት የሚታሸግ ሲሆን 4፡30 ሳጥኑ የሚከፈት ይሆናል፡፡

11. የመወዳደሪያ ዋጋ ለዚሁ በተዘጋጀው የጨረታ ሳጥን ውስጥ ማስገባት የምትችሉ ሲሆን ጨረታው የሚከፈተው ተጫራቾች ወይም ህጋዊ ወኪሎች በተገኙበት ይሆናል፡፡

12. ተጫራቾች ዋጋቸውን በወሰዱት የጨረታ ሰነድ ላይ ብቻ መሙላት ይጠበቅባቸዋል፡፡

13.ተጫራቾች በወሰዱት ሰነድ ላይ በእስክሪቢቶ እስፔክ ማስተካከል አይችሉም፡፡

14. የጨረታ ዋስትና በየሎቱ 2% ሲፒኦ ብቻ ሲሆን የምንቀበለው ቼክ አንቀበልም በተጨማሪም ተጫራቾች አሸናፊ ሆነው ሲቀርቡ አሸናፊ የሆኑበትን 10% ማስያዝ ይጠበቅባቸዋል፡፡

15. ተጫራቾች የዋጋ የጊዜ ገደብ ማስቀመጥ አይችሉም::

16. መስሪያ ቤቱ የተሻለ መንገድ ካገኘ ጨረታውን ሙሉ በሙሉ ወይም በከፊል የመሰረዝ መብቱ የተጠበቀ ነው፡፡

ማሳሰቢያ፦ ተጫራቾች ለሚኖራቸው ጥያቄ ወይም መረጃ ለማግኘት ቢፈልጉ በስልክ ቁጥር

01111 266 384በመደወል መጠየቅ ይችላሉ፡፡

አድራሻ ፡– ፒያሳ ገዳም ሰፈር ከጊዮርጊስ ጀርባ ወደ ዳክስን መሄጃ ወረዳ 5 ፋይናንስ ጽ/ቤት 2ኛ ፎቅ።

የአራዳ ክ/ከተማ ወረዳ 05 አስተዳደር

ፋይናንስ ጽ/ቤት